Í Miðnæturhlaupi Suzuki 2012 getur þú valið um að fá afhendan verðlaunapening þegar þú kemur í mark eða sleppa því. Gjaldið lækkar um 400 kr ef valið er að sleppa því að fá verðlaunapening. 

Ódýrara þátttökugjald fæst með því að forskrá á netinu. Forskráningu lýkur á miðnætti 19.júní 2012.

Athugið að þátttökugjöld verða ekki endurgreidd.

Að vanda verður öllum þátttakendum boðið frítt í Laugardalslaugina eftir hlaupið. Númer hlaupsins gildir sem aðgöngumiði. Hleypt verður ofan í laugina um leið og fyrstu hlauparar hafa lokið hlaupinu. Búningsaðstaða er í Laugardalslauginni en þátttakendur verða að sýna hlaupanúmer til að fá aðgang.

Powerade drykkir og vatn verða í boði Vífilfells.

Vinsamlega athugið að merkt hlaupaleið er eingöngu ætluð keppendum. Ekki er heimilt að fylgja hlaupurum gangandi, hlaupandi, á hjóli eða öðrum farartækjum. Þátttakendum er ekki heimilt að hafa meðferðis hunda eða önnur gæludýr.