Heim flag

Verðskrá 2017

Skráning í Reykjavíkurmaraþon Íslandsbanka 2017 hefst 11.janúar. Lægra þátttökugjald fæst ef skráð er tímanlega.

Þátttökugjöld eru sem hér segir:

Vegalengd  11.janúar-
15.mars
16.mars-
3.júlí
4.júlí-
17.ágúst kl.13:00
Skráningarhátíð 
17.-18.ágúst
Skemmtiskokk 1.790 kr  2.300 kr  2.800 kr  3.400 kr
Skemmtiskokk barnagjald 1.200 kr  1.650 kr  1.950 kr  2.200 kr
10 km hlaup 4.300 kr  4.900 kr  6.500 kr  7.500 kr 
10 km hlaup unglingagjald 3.300 kr  4.000 kr  4.700 kr  5.500 kr 
Hálfmaraþon 5.300 kr  6.300 kr  7.300 kr  9.500 kr 
Maraþon 9.700 kr  10.900 kr  12.500 kr  13.600 kr 
Furðufatahlaup Georgs 1.100 kr 1.200 kr 1.400 kr. 1.600 kr.

Ofangreind gjöld eru í íslenskum krónum og miðast við einstakling.

Barna- og unglingagjald

Í skemmtiskokki og 10 km hlaupi er lægra gjald fyrir börn og unglinga 17 ára og yngri þ.e. þau sem eru fædd 2000 og síðar.

Barnaafsláttur

Í skemmtiskokki og Furðufatahlaupi Georgs fæst afsláttur fyrir börn ef skráðir eru fullorðnir og tvö börn eða fleiri. Fullorðinn og eitt barn borga fullt gjald en afsláttur af þátttökugjaldi annarra barna og unglinga er 700 krónur. Börn eru skilgreind sem 17 ára og yngri þ.e. fædd 2000 og síðar.

Afslátturinn gildir fyrir börn í skemmtiskokk og Furðufatahlaupi Georgs en fullorðnir geta hlaupið hvaða vegalengd sem er.

Barnaafsláttur er aðeins veittur ef fullorðnir og börn skrá sig saman á netinu eða á skráningahátíð.

Greiða við skráningu

Greiða þarf þátttökugjald við skráningu og er skráning ekki gild nema gjaldið sé greitt. Um leið og greiðsla fer í gegn fær sá sem skráir sendan tölvupóst því til staðfestingar.

Innifalið í þátttökugjöldum

Innifalið í þátttökugjöldum Reykjavíkurmaraþons Íslandsbanka er meðal annars rásnúmer, leiga á tímatökuflögu og tímataka í keppnisvegalengdum, þátttökuverðlaun, sundferð í einhverja af sundlaugum Reykjavíkur, drykkir frá Powerade í marki og á drykkjarstöðvum.

ÍTR býður öllum þátttakendum í sund í sundlaugum Reykjavíkur á hlaupadaginn eða daginn eftir. Sérstakur aðgöngumiði fylgir hlaupagögnum sem þarf að afhenda í sundlaugunum.

Bolir

Í ár, líkt og í fyrra, gefst þátttakendum færi á að velja sér bol í boði hlaupsins á skráningarhátíðinni á meðan birgðir endast. Þetta er gert til að koma til móts við ítrekaðar óskir þátttakenda um að fá að velja sér bol á staðnum í stað þess að þurfa að áætla stærð á netinu.

Skilmálar

Við skráningu í hlaup á vegum Reykjavíkurmaraþons þurfa þátttakendur að haka við að þeir samþykki skilmála hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smellið hér til að skoða skilmálana.

Þátttökugjöld í Reykjavíkurmaraþon Íslandsbanka fást ekki endurgreidd en hægt er að gera nafnabreytingu á skráningu á meðan rafræn skráning er opin á mínum síðum.


Nánari upplýsingar um skráningu í Reykjavíkurmaraþon Íslandsbanka 2017 má finna hér. Aðstoð við skráningu og greiðslu þátttökugjalda er veitt í gegnum netfangið  This email address is being protected from spambots. You need JavaScript enabled to view it. .  

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.