|
Þann 20.ágúst er skráningarhátíð Reykjavíkurmaraþons Íslandsbanka. Þann dag fá allir þátttakendur afhent keppnisgögn. Meðal annars þátttökunúmer, tímatökuflögu í skóinn og bol. Einnig verður hægt að skrá sig á skráningarhátíðinni.
Skráningarhátíð Reykjavíkurmaraþons Íslandsbanka 2010 fer fram í stúkubyggingu Laugardalsvallar. Afhending gagna fyrir Latabæjarhlaup verður í næsta húsi við Laugardalsvöllinn, Félagsheimili Þróttar í Laugardal. Afgreiðsla fer fram frá kl.10:00-19:00. Mjög gott aðgengi er að báðum byggingunum og nóg af bílastæðum. Við Laugardalsvöll eru 600 bílastæði og 190 við Félagsheimili Þróttar auk þess sem margir strætisvagnar stoppa í nágrenninu. Kort af svæðinu.
Öllum þátttakendum í Reykjavíkurmaraþoni er boðið í pastaveislu á vegum Barilla þennan dag. Til þess að fá aðgang þarf að framvísa keppnisnúmeri. Þau sem áhuga hafa á að kaupa sérstaklega pastamáltíð (til dæmis fyrir gesti) þurfa að greiða 500 krónur. Pastaveislan er frá kl.16:00-19:00.
Á skráningarhatíðinni munu ýmsir aðilar kynna heilsutengda starfsemi og vörur. Skemmtilegir og fræðandi fyrirlestrar verða einnig í boði eins og undanfarin ár.
Skráningarhátíð 20.ágúst 2010
Dagskrá fræðsluerinda
Staðsetning: Fundarsalur KSÍ á 3.hæð í stúkubyggingu Laugardalsvallar
Fundarstjóri: Gunnar Páll Jóakimsson
|
Tímasetning
|
Fyrirlestur
|
| 17:00 |
„Sársauki er tímabundinn, upplifunin er eilíf“
Fjallað verður um þátttöku í ofurhlaupum sem standa jafnvel sólarhringum saman. Hvað fær hlaupara til að takast á við slíkar þrekraunir? Hvað þarf að vera til staðar svo hlauparinn standist það andlega og líkamlega álag sem fylgir slíkum hlaupum? Eru hlaup af þessu tagi tóm leiðindi eða getur verið að þau séu áhugaverðar og skemmtilegar áskoranir?
Gunnlaugur Júlíusson |
17:40
|
Rathlaup
Rathlaupafélagið Hekla kynnir starfsemi félagsins, stöðu íþróttarinnar á Norðurlöndunum og væntingar til framtíðar.
Gísli Örn Bragason og Christian Peter MacLassen |
18:20
|
Þríþraut á Íslandi
Hvað þarf til að æfa þríþraut á Íslandi? Hvaða vegalengdir eru í boði og hvernig fara svona keppnir fram? Fjallað verður um Challenge Copenhagen keppnina sem 17 íslendingar tóku þátt í. Sú keppni samanstendur af 3,8km ísundi / 180km hjóli og 42,2km hlaupi.
Ásdís Kristjánsdóttir, Gísli Ásgeirsson, Trausti Valdimarsson
og Vignir Þór Sverrisson |
|
