Greiðsluskilmálar og almennir skilmálar

Við skráningu í hlaup á vegum Reykjavíkurmaraþons þurfa þátttakendur að haka við að þeir samþykki skilmála hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smellið hér til að skoða skilmálana.

Skilmálar um þátttökurétt

Ekki er hægt að breyta skráningu úr einu nafni yfir í annað. Skráður þátttakandi er ábyrgur fyrir hlaupanúmeri og öðrum gögnum sem honum hefur verið úthlutað. Honum er ekki heimilt að láta það öðrum í té, til þátttöku í hlaupinu. Sá sem hleypur með númer sem ekki er skráð á hann af mótshaldara, er ekki gildur þátttakandi.

Endurgreiðsla

Endurgreitt er 14.950 kr (sem nemur 50% af þátttökugjaldi) ef þess er óskað fyrir 1.júlí 2012. Til að fá endurgreitt þarf að senda tölvupóst á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  og gefa upp fullt nafn, kennitölu, upplýsingar um bankareikning og símanúmer, auk rafrænnar greiðslukvittunar sem berst á þitt netfang við skráningu. Upplýsingarnar þurfa að berast fyrir 31.ágúst 2012 en eftir þann tíma falla úr gildi beiðnir um endurgreiðslu þátttökugjalds.  Hlaupari sem skráir sig úr Laugavegshlaupinu getur ekki fengið skráningargögn afhend. Frá og með 1.júlí 2012 fæst ekki endurgreiðsla.

Skilmálar úr reglum hlaupsins

• Allir þátttakendur skrifa undir skjal þess efnis að þeir séu líkamlega og andlega hæfir og með nægan undirbúning að baki til að hlaupa 55 km Laugavegshlaup.
• Þátttakendur skrifa undir skjal þess efnis að þeir hafi kynnt sér reglur hlaupsins og ætli að fara eftir þeim í hvívetna.
• Þeir sem skrá sig í Laugavegshlaupið skuldbinda sig til að þjálfa sig fyrir 55 km vegalengd. Laugavegshlaup er 55 km langt og leiðin liggur um krefjandi landslag. Það er gengið út frá því að þátttakendur séu undirbúnir og hafi þjálfað sig fyrir þá þolraun sem hlaupið er. Með skráningu í hlaupið skuldbindur hver þátttakandi sig til að fara alla leið. Ekki er gert ráð fyrir að hlauparar hætti á miðri leið nema viðkomandi sé veikur, meiddur eða slasaður. Undantekning er þegar þátttakandi nær ekki tímamörkum við Álftavatn eða í Emstrum en þá er skylt að hætta þátttöku og ekki heimilt að fara lengra.

Smellið hér til að skoða reglur hlaupsins.