Skráning í Laugavegshlaupið 2012 hefst 25.janúar 2012

Skráning og greiðsla fer fram rafrænt á heimasíðu www.marathon.is. Þátttökugjald er innheimt í einu lagi og er ekki endurkræft nema að hluta til. Eftir 1.júlí fæst engin endurgreiðsla.

Ekki er hægt að flytja skráningu fram um ár. Ekki er leyfilegt að selja öðrum skráningu. Ekki er hægt að breyta um nafn skráningar. Sjá nánar í skilmálum hlaupsins.

Rútuferðir
Skráning í rútu verður síðar. Þegar nær dregur hlaupi fá þátttakendur tölvupóst með fyrirspurn um hvort þeir vilji rútuferð að morgni laugardags 14.júlí frá Reykjavík í Landmannalaugar og heim að loknu hlaupi frá Húsadal um kvöldið sama dag. Rútuferðir eru eingöngu seldar báðar leiðir. Þau sem vilja fá far með rútu greiða sama gjald hvort sem þeir koma inn í rútuna á miðri leið eða fara út á miðri leið. Sætið kostar alltaf það sama. Fargjaldið er greitt um leið og afhending gagna fer fram. Sjá nánar í verðskrá. Þau sem vilja dvelja lengur í Þórsmörk geta notað rútumiðann sinn í almenna rútuáætlun Kynnisferða á sunnudegi eða mánudegi. Rútuáætlun Kynnisferða má finna hér.