Í gær þriðjudaginn 11. september kl. 17:00-18:00 var haldin uppskeruhátíð áheitasöfnunar Reykjavíkurmaraþons Íslandsbanka 2012. Það var aðalstyrktaraðili hlaupsins, Íslandsbanki, sem bauð til hátíðarinnar í höfuðstöðvum sínum á Kirkjusandi.

Á hátíðinni komu saman fulltrúar góðgerðafélaga, hlauparar og skipuleggjendur hlaupsins til að fagna góðum árangri áheitasöfnunar Reykjavíkurmaraþons Íslandsbanka sem fram fór á hlaupastyrkur.is. Í ár söfnuðust alls 45.987.154 krónur til 130 góðgerðafélaga. Þetta er 5% hærri upphæð en safnaðist í fyrra þegar met var slegið í áheitasöfnun og því var rík ástæða til að fagna.

Þau félög sem safnaðist mest fyrir voru Kraftur - stuðningsfélag fyrir ungt fólk sem greinst hefur með krabbamein og aðstandendur, 3,1 milljón, Krabbameinsfélag Íslands, 3 milljónir, og Styrktarfélag krabbameinssjúkra barna, 2,3 milljónir. Tæplega 80 af þeim 133 félögum sem tóku þátt í söfnuninni fengu meira en 100.000 krónur í sinn hlut og tíu félög fengu meira en milljón. 

Rúmlega 30% þeirra hlaupara sem tóku þátt í áheitavegalengdum Reykjavíkurmaraþons skráðu sig á hlaupastyrkur.is og söfnuðu áheitum. Um er að ræða 3.334 hlaupara sem fengu alls 17.458 áheit.

Á morgun, þriðjudaginn 11. september kl. 17:00-18:00, verður haldin uppskeruhátíð áheitasöfnunar Reykjavíkurmaraþons Íslandsbanka 2012. Það er Íslandsbanki, aðalstyrktaraðili hlaupsins, sem býður hlaupurum, góðgerðafélögum og skipuleggjendum hlaupsins í höfuðstöðvar sínar á Kirkjusandi. 

Markmiðið með hátíðinni er að gefa þessum aðilum færi á að hittast og fagna góðum árangri saman. Farið verður yfir tölfræði áheitasöfnunarinnar, boðið upp á lifandi tónlist og hollar og góðar veitingar. Þá fá góðgerðafélögin afhendar upplýsingar um áheit og uppgjör.

Allir eru velkomnir á meðan húsrúm leyfir.