Skráning hafin á nýrri heimasíðu
Velkomin á nýja heimasíðu Reykjavíkurmaraþons Íslandsbanka!
Skráning er nú hafin í þrítugasta Reykjavíkurmaraþonið sem fram fer þann 24. ágúst 2013. Skráning verður opin til 21. ágúst en einnig verður hægt að skrá sig á skráningarhátíð hlaupsins, þann 23. ágúst. Vakin er athygli á því að ef góður fyrirvari er hafður á skráningu í hlaupið eru þátttökugjöldin lægri. Um þrjú verðtímabil er að ræða auk verðs á skráningarhátíð.
Á þessari hlaupahátíð eru 6 vegalengdir. Þær eru maraþon, hálfmaraþon, 10 km hlaup, boðhlaup, 3 km skemmtiskokk og Latabæjarhlaup. Við hvetjum þig til að kynna þér allar nánari upplýsingar um Reykjavíkurmaraþon Íslandsbanka hér á heimasíðunni.
Skráðu þig til leiks með því að smella á hnappinn "Skráðu þig í næsta hlaup" í flýtivalinu hægra megin á síðunni.
Skráning hefst á morgun
Skráning í öll hlaupin þrjú á vegum Reykjavíkurmaraþons hefst hér á marathon.is á morgun, miðvikudaginn 9. janúar. Hlaupin sem um ræðir eru auk Reykjavíkurmaraþons Íslandsbanka, Miðnæturhlaup Suzuki og Laugavegshlaupið.
Þrítugasta Reykjavíkurmaraþon Íslandsbanka 2013 fer fram þann 24. ágúst. Í ár líkt og fyrri ár er um að ræða sannkallaða veislu fyrir hlaupara enda 6 vegalengdir í boði. Allir áhugasamir ættu því að geta fundið vegalend við sitt hæfi. Vegalengdirnar sex eru maraþon, hálfmaraþon, 10 km hlaup, boðhlaup, 3 km skemmtiskokk og Latabæjarhlaup.
Ekki missa af þessari risastóru afmælisveislu. Þú þarft ekki einu sinni að koma með pakka, bara skrá þig!
Sett verður inn ný frétt og skráningarhnappurinn hér til hægri virkjaður um leið og skráningin hefst. Eins og glöggir lesendur marathon.is hafa sjálfsagt tekið eftir hefst afmælisár Reykjavíkurmaraþons á nýrri og glæsilegri heimasíðu sem við vonum að geri alla upplýsingaleit enn þægilegri fyrir hlaupara og aðstandendur.