Heim flag

  • 18.ágúst 2018

    Reykjavíkurmaraþon Íslandsbanka 2018 fer fram laugardaginn 18.ágúst. Þátttakendur geta valið á milli fimm vegalengda sem henta fyrir alla aldurshópa og fjölbreytt getustig.  Skráning í hlaupið hefst í janúar 2018. 
  • Hlaupastyrkur.is

    Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is. Þar geta skráðir þátttakendur safnað áheitum fyrir skráð góðgerðafélög. Hver sem er getur farið inná hlaupastyrkur.is og heitið á skráða hlaupara. Hægt er að greiða áheit með kreditkorti, debetkorti, sms skilaboðum eða með Kass appinu.   

  • Powerade Sumarhlaupin

    Reykjavíkurmaraþon Íslandsbanka er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.
  • Gjafabréf

    Gjafabréf í Reykjavíkurmaraþon Íslandsbanka er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar. Gjafabréfið gildir í fjögur ár sem greiðsla í alla viðburði á vegum Íþróttabandalags Reykjavíkur. Smelltu hér til að kaupa. 
  • 35. hlaupið

    Reykjavíkurmaraþon fer fram í 35.sinn laugardaginn 18.ágúst 2018. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2017 tóku rúmlega 14 þúsund manns þátt í hlaupinu.

Mikill hlaupaáhugi

Reykjavíkurmaraþon Íslandsbanka fer fram í 26.sinn þann 22.ágúst næstkomandi. Hlaupið hefur farið ört vaxandi undanfarin ár og mikil fjölgun orðið á þátttakendum milli ára. Árið í ár virðist ekki ætla að vera nein undantekning því skráningar eru nokkuð meiri í ár heldur en á sama tíma í fyrra.

Heildarfjöldi skráninga í allar vegalengdir 25.júní 2008 var 820 en 25.júní 2009 eru skráningar 1001 sem er 22% aukning milli ára. Mest aukning er í 10 km hlaupið eða 41% milli ára.

Hlauparar frá 35 löndum auk Íslendinga hafa skráð sig til þátttöku.  Aukning á skráningu erlendra þátttakenda milli ára er 10% en Íslendingum hefur fjölgað um 44%. Flestir erlendu hlauparanna sem nú hafa skráð sig til þátttöku koma frá Bandaríkjunum en næst fjölmennastir eru Bretar og þá Þjóðverjar.

Á skrifstofu Reykjavíkurmaraþons er undirbúningur fyrir hlaupið í ágúst í fullum gangi. Sú mikla fjölgun þátttakenda í hlaupum sem haldin hafa verið í sumar og sú mikla skráning sem komin er af stað í Reykjavíkurmaraþonið hefur breytt töluvert undirbúningi fyrir hlaupið. Aukið hefur verið við pantanir á hlaupnúmerum, tímatökuflögum, verðlaunapeningum o.fl. til að tryggja að allir sem vilja geti tekið þátt.

Það ættu allir að geta fundið sér vegalengd við hæfi í Reykjavíkurmaraþoni Íslandsbanka. Fólk á öllum aldri getur skráð sig í 3 km skemmtiskokk en Latabæjarhlaupið er sérstaklega fyrir börn 9 ára og yngri. Þá geta 12 ára og eldri tekið þátt í 10 km hlaupi og þeir allra hörðustu í maraþon og hálfmaraþon.

Allar nánari upplýsingar og skráning á marathon.is.


 

Miðnæturhlaup Powerade

Á morgun þriðjudag fer Miðnæturhlaup Powerade fram í Laugardalnum. Hlaupið er frá Laugardalslaug og hefst hlaupið kl. 22.00. Öllum þátttakendum er boðið í sund eftir hlaupið en verðlaun til sigurvegara verða afhent á laugarbakkanum.

Þetta frábæra hlaup hentar fólki á öllum aldri, bæði byrjendum og lengra komnum og hægt er að velja um þrjár vegalengdir: 3 km skemmtiskokk án tímatöku og 5 og 10 km hlaup með tímatöku.

Forskráningu hér á vefnum lýkur á miðnætti í kvöld en einnig verður hægt að skrá sig í gamla anddyri Laugardalslaugar frá kl. 18.00 á hlaupdegi.

Smellið hér til að skoða nánari upplýsingar um hlaupið.

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.