Heim flag

  • 18.ágúst 2018

    Reykjavíkurmaraþon Íslandsbanka 2018 fer fram laugardaginn 18.ágúst. Þátttakendur geta valið á milli fimm vegalengda sem henta fyrir alla aldurshópa og fjölbreytt getustig.  Skráning í hlaupið hefst í janúar 2018. 
  • Hlaupastyrkur.is

    Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is. Þar geta skráðir þátttakendur safnað áheitum fyrir skráð góðgerðafélög. Hver sem er getur farið inná hlaupastyrkur.is og heitið á skráða hlaupara. Hægt er að greiða áheit með kreditkorti, debetkorti, sms skilaboðum eða með Kass appinu.   

  • Powerade Sumarhlaupin

    Reykjavíkurmaraþon Íslandsbanka er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.
  • Gjafabréf

    Gjafabréf í Reykjavíkurmaraþon Íslandsbanka er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar. Gjafabréfið gildir í fjögur ár sem greiðsla í alla viðburði á vegum Íþróttabandalags Reykjavíkur. Smelltu hér til að kaupa. 
  • 35. hlaupið

    Reykjavíkurmaraþon fer fram í 35.sinn laugardaginn 18.ágúst 2018. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2017 tóku rúmlega 14 þúsund manns þátt í hlaupinu.

Bolir og bolastærðir

Venju samkvæmt er stuttermabolur innifalinn í þátttökugjöldum Reykjavíkurmaraþons Íslandsbanka. Bolur ársins er rauður bómullarbolur sem bæði er hægt að fá í karla- og kvennasniði fullorðinna og þremur barnastærðum. Fullorðins bolirnir eru úr fínni bómull (soft style cotton) en barnabolirnir úr grófari bómull (heavy cotton). Sömu bolir eru í boði fyrir allar vegalengdir hlaupsins. Sérmerktir bolir eru fyrir þátttakendur í Latabæjarhlaupinu en þar er boðið uppá fjórar barnastærðir.

Til að fólk geti betur gert sér grein fyrir hvaða stærðir henta þeim höfum við útbúið töflur með upplýsingum um stærðir bolanna í sentímetrum. Smellið hér til að skoða upplýsingar um bolastærðir í Reykjavíkurmaraþoni Íslandsbanka 2009.

Skráning í Reykjavíkurmaraþonið er komin af stað á fullum krafti. Hátt í 3000 hlauparar hafa þegar skráð sig til þátttöku. Forskráningu á vefnum lýkur á miðnætti miðvikudaginn 19.ágúst. Smelltu hér til að skrá þig.

Haraldur Tómas og Íris Anna sigruðu í Ármannshlaupinu

Ármannshlaupið var endurvakið eftir nokkurra ára dvala og fór fram í Laugardalnum í gærkvöldi. Rúmlega 200 manns tóku þátt í 10 km hlaupi og skemmtiskokki.

Sigurvegari í karlaflokki var Haraldur Tómas Hallgrímsson úr FH á 34:42 en í kvennaflokki sigraði Íris Anna Skúladóttir úr Fjölni á 38:20.

Töluverður norðan vindur mæddi á hlaupurum á Sæbrautinni á annars skemmtilegri og hraðri braut hlaupsins.

Boðið var uppá sveitakeppni í 10 km hlaupinu þar sem sveit FH sigraði og hlaut að launum málsverð frá veitingahúsinu Lauga-Ás.

Sjá nánar um hlaupið á heimasíðu Ármanns armenningar.is og úrslit á hlaup.com.

Ármannshlaupið var fjórða og næst síðasta hlaupið á Powerade mótaröðinni þetta sumarið. Arndís Ýr Hafþórsdóttir er eins og áður með forystu í stigakeppni kvenna en Jósep Magnússon hefur náð forystunni af Sigurði Böðvari Hansen í stigakeppni karla. Smellið hér til að skoða nánari upplýsingar um stigakeppni Powerade mótaraðarinnar. 

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.