Heim flag

  • 19.ágúst 2017

    Reykjavíkurmaraþon Íslandsbanka 2017 fer fram laugardaginn 19.ágúst. Þátttakendur geta valið á milli fimm vegalengda sem henta fyrir alla aldurshópa og fjölbreytt getustig.  Smelltu hér til að skoða dagskrá hlaupdags. 
  • Hlaupastyrkur.is

    Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is. Þar geta skráðir þátttakendur safnað áheitum fyrir skráð góðgerðafélög. Hver sem er getur farið inná hlaupastyrkur.is og heitið á skráða hlaupara. Hægt er að greiða áheit með kreditkorti, debetkorti, sms skilaboðum eða með Kass appinu.   

  • Powerade Sumarhlaupin

    Reykjavíkurmaraþon Íslandsbanka er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.
  • Gjafabréf

    Gjafabréf í Reykjavíkurmaraþon Íslandsbanka er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar. Gjafabréfið gildir í fjögur ár sem greiðsla í alla viðburði á vegum Íþróttabandalags Reykjavíkur. Smelltu hér til að kaupa. 
  • 34. hlaupið

    Reykjavíkurmaraþon fer fram í 34.sinn laugardaginn 19.ágúst 2017. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2016 tóku rúmlega 15 þúsund manns þátt í hlaupinu.

Hlaupið frá Hljómskálagarðinum í Latabæjarhlaupinu

Latabæjarhlaupið í ár verður hlaupið frá Hljómskálagarðinum. Elstu börnin (8 og 9 ára) hlaupa 2 km leið frá Sóleyjargötu í kringum Tjörnina og til baka aftur (gul leið). Börn á aldrinum 6-7 ára hlaupa 1,5 km leið frá Bjarkargötu í kringum Tjörnina og enda aftur í Bjarkargötu (rauð leið). Yngstu börnin (5 ára og yngri) hlaupa 700 metra hring í Hljómskálagarðinum (græn leið).


Ólíkir aldurshópar barna eru látnir hlaupa á mismunandi tímum og stað til að börnin fái meira út úr hlaupinu og hafi meira pláss til að hlaupa. Smellið á kortið til að kynna ykkur nánar hlaupaleiðir Latabæjarhlaupsins. Nánari upplýsingar um skipulag hlaupsins má einnig finna með því að smella hér.


Fyrir hlaup verður upphitun á sviði í suðurenda Hljómskálagarðsins þar sem bæði Íþróttaálfurinn og Solla Stirða koma við sögu. Eftir hlaupið verður síðan skemmtidagskrá á sama sviði. Upphitun hefst kl. 12:40 en hlauparar verða ræstir af stað á bilinu kl. 13:00-13:15. Smellið hér til að skoða dagskrá dagsins.


Þátttökugjaldið í Latabæjarhlaupið er það sama og undanfarin ár kr. 800. Skráning fer fram hér á vefnum.

Ný hlaupaleið í skemmtiskokki

Skemmtiskokk Reykjavíkurmaraþons Íslandsbanka verður með breyttu sniði í ár. Tekin verður í notkun ný og skemmtileg hlaupaleið um Hljómskálagarð og í kringum Tjörnina. Vegalengdin er áfram 3 km og hentar því fyrir fólk á öllum aldri.


Hlaupið hefst kl. 11.30 í Lækjargötu eins og áður. Þátttökugjöld í skemmtiskokki eru kr. 1.700 í forskráningu en kr. 2.100 ef skráð er á skráningarhátíð í Laugardalshöll 21.ágúst. Það er því um að gera að skrá sig hér á netinu. Börn yngri en 12 ára greiða 800 kr og fæst afsláttur ef skráð eru fleiri en eitt barn. Forskráningu á vefnum lýkur miðvikudaginn 19.ágúst. 


Smellið á kortið til að sjá það stærra og átta ykkur betur á hlaupaleiðinni. Einnig má sjá nánari leiðarlýsingu hér.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.