Í gærkvöldi fór fram í blíðskaparveðri Miðnæturhlaup Powerade. Þetta er í 18. sinn sem Reykjavíkurmaraþon stendur fyrir hlaupinu en framkvæmdaaðilar hlaupsins í ár voru frjálsíþróttadeildir Fjölnis og Ármanns.

Hlaupið í ár var það fjölmennasta til þessa með rétt um 1500 keppendum í þremur vegalengdum. Augljóst er af skráningum að fleiri hafa áhuga á lengri vegalengdunum, 5 og 10km, þar sem að það fækkaði verulega í 3 km skemmtiskokkinu.

Sigurvegarar í 10 km hlaupinu voru Björn Margreirsson og Fríða Rún Þórðardóttir en í 5 km hlaupinu voru það Steinn Jóhannsson og Gerður Rún Guðlaugsdóttir sem urðu hlutskörpust.

Smelltu hér til að skoða nánari úrslit.

Myndir frá Miðnæturhlaupi Powerade 2010 eru komnar inná heimasíðu hlaupsins.