Heim flag

  • 18.ágúst 2018

    Reykjavíkurmaraþon Íslandsbanka 2018 fer fram laugardaginn 18.ágúst. Þátttakendur geta valið á milli fimm vegalengda sem henta fyrir alla aldurshópa og fjölbreytt getustig.  Skráning í hlaupið hefst í janúar 2018. 
  • Hlaupastyrkur.is

    Áheitasöfnun Reykjavíkurmaraþons Íslandsbanka fer fram á vefnum hlaupastyrkur.is. Þar geta skráðir þátttakendur safnað áheitum fyrir skráð góðgerðafélög. Hver sem er getur farið inná hlaupastyrkur.is og heitið á skráða hlaupara. Hægt er að greiða áheit með kreditkorti, debetkorti, sms skilaboðum eða með Kass appinu.   

  • Powerade Sumarhlaupin

    Reykjavíkurmaraþon Íslandsbanka er hluti af Powerade Sumarhlaupunum sem er mótaröð hlaupa í Reykjavík. Verðlaun eru í boði fyrir flest stig samanlagt í hlaupunum fimm í karla og kvennaflokki. Sjá nánar á marathon.is/powerade.
  • Gjafabréf

    Gjafabréf í Reykjavíkurmaraþon Íslandsbanka er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar. Gjafabréfið gildir í fjögur ár sem greiðsla í alla viðburði á vegum Íþróttabandalags Reykjavíkur. Smelltu hér til að kaupa. 
  • 35. hlaupið

    Reykjavíkurmaraþon fer fram í 35.sinn laugardaginn 18.ágúst 2018. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2017 tóku rúmlega 14 þúsund manns þátt í hlaupinu.

Skráðir þátttakendur 2018

Hér á marathon.is er hægt að skoða lista yfir skráða hlaupara í Laugavegshlaupið 2018. Á listanum kemur fram nafn, kyn, fæðingarár, sveit, hlaupahópur og þjóðerni.

Þau sem ekki vilja láta nafn sitt birtast á listanum geta hakað við í þar til gerðan reit í skrefi 6 í skráningarferlinu. Hægt er að breyta þessari stillingu á ,,mínum síðum" undir liðnum vefupplýsingar. Athugið að ekki er hægt að komast hjá því að nöfn þátttakenda birtist á ráslistum stuttu fyrir hlaup og í úrslitum að hlaupi loknu.

Smelltu hér til að sjá lista yfir skráða þátttakendur.

0- MG 6528

Sveitakeppni

Í Laugavegshlaupinu stendur þátttakendum til boða að taka þátt í sveitakeppni. Hægt er að mynda þrjár mismunandi tegundir af sveitum og gildir samanlagður tími í úrslitum:

  • Kvennasveit - 4 konur í sveit
  • Karlasveit - 4 karlar í sveit
  • Blönduð sveit - 2 konur og 2 karlar í sveit

Sveitaskráning fer fram á „Mínar síður" og er opin til 1.júlí. Hægt að skrá sveitir við afhendingu gagna en þá þurfa allir sveitarmeðlimir að skrifa undir eyðublað og þar með samþykkja skráninguna. Einnig er hægt að skrá sveit með tölvupósti á netfangið This email address is being protected from spambots. You need JavaScript enabled to view it. . Sá sem sendir skráningu sveitar með tölvupósti þarf að senda öðrum sveitarmeðlimum afrit (cc) og þeir þurfa að svara að þeir séu samþykkir skráningunni fyrir kl.17:00 föstudaginn 13.júlí. 

Reglur um sveitakeppni

  • Allir skráðir þátttakendur geta stofnað sveit.
  • Hægt er að mynda þrjár mismunandi tegundir af sveitum: kvennasveit, karlasveit eða blandaða sveit.
  • Keppendur þurfa fyrst að skrá sig í hlaup og borga keppnisgjald áður en þeir geta skráð sig í sveit.
  • Að skrá þátttakendur í sveit er ókeypis.
  • Einn fulltrúi í hverri sveit skráir hverja sveit. Sá er ábyrgur fyrir að láta aðra sveitameðlimi vita af skráningunni.
  • Skráninga á sveitum fer fram á ,,mínum síðum" og er opin á meðan rafræn skráning og skráning viðbótarupplýsinga fyrir hlaupið er opin (lokar 1.júlí).
  • Eftir að rafrænni skráningu lýkur er ekki hægt að skrá í sveit eða breyta sveitaskráningu nema með undirrituðu samþykki allra sveitameðlima eða staðfestingu frá hverjum og einum með tölvupósti. 
  • Athugasemdir vegna úrslita í sveitakeppni þurfa að berast eigi síðar en 30 mín eftir að síðasti hlaupari kemur í mark.

 sveitakeppni 

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.