Skráning í Reykjavíkurmaraþon Íslandsbanka sem fram fer 24.ágúst næstkomandi er nú í fullum gangi. Það ættu flestir að geta fundið eitthvað við sitt hæfi því í boði eru sex mismunandi vegalengdir.

Skráning hófst 9.janúar og verður hægt að skrá sig þar til daginn fyrir hlaup. Hlauparar eru hinsvegar hvattir til að skrá sig fyrir 3.maí til að fá lægsta mögulega þátttökugjald. Smellið hér til að skoða verðskrá Reykjavíkurmaraþons Íslandsbanka 2013.

Innifalið í þátttökugjöldum í Reykjavíkurmaraþon Íslandsbanka er meðal annars bolur, sundferð, Barilla pastaveisla, verðlaun o.fl. Smelltu hér til að skrá þig.

Íslensku vefverðlaunin voru afhend í Hörpu föstudaginn 8. febrúar. Gaman er að segja frá því að þar hlaut vefurinn reykjavikruns.us tvenn verðlaun en vefurinn fjallar á einkar skemmtilegan hátt um Reykjavíkurmaraþon Íslandsbanka. Vefurinn hlaut verðlaun í flokkunum Besta markaðsherferðin á netinu og í flokknum Frumlegasti vefurinn. 

Íslandsbanki sem hefur verið samstarfsaðili Reykjavíkurmaraþons frá árinu 1997 á frumkvæðið af vefnum og þróaði hann og hannaði í samstarfi við fyrirtækið Takk Takk. Vefurinn sem fór í loftið vorið 2012 var fyrst og fremst ætlaður sem kynning fyrir erlenda hlaupara á hlaupinu, umhverfi þess og um leið Reykjavík en Íslendingum ætti þó ekki að þykja neitt síður skemmtilegt að heimsækja hann. Vefurinn hefur nú að geyma 21 fjölbreytt skref og má segja að hvert skref segi sína sögu. Fyrirhugað er að bæta inn enn fleiri skrefum í aðdraganda Reykjavíkurmaraþons Íslandsbanka 2013 og verður spennandi að sjá þau. 

Á vef Íslandsbanka segir: "Í umsögn dómnefndar kom m.a. fram að viðfangsefnið væri nálgast frá áhugaverðu sjónarhorni og sett fram á einstaklega frumlegan og skemmtilegan hátt. Upplifunin sé fræðandi og skemmtilegt ferðalag með einlægum frásögnum og frjóum innsetningum.