• Reykjavíkurmaraþon Íslandsbanka

    Reykjavíkurmaraþon Íslandsbanka 2018 fer fram laugardaginn 18.ágúst. Búast má við að um 15 þúsund manns taki þátt í hlaupinu en hægt er að velja fimm mismunandi vegalengdir. Smelltu hér til að skoða nánari upplýsingar.
  • Víðavangshlaup ÍR

    Á sumardaginn fyrsta, 19.apríl 2018, fer Víðavangshlaup ÍR fram í 103.sinn. Boðið er uppá 5 km hlaup og 2,7 km skemmtiskokk í miðbæ Reykjavíkur. Smelltu hér til að skoða nánari upplýsingar.
  • Fjölnishlaup Gaman Ferða

    Þann 10.maí 2018 fer Fjölnishlaupið fram í 29.sinn í Grafarvoginum. Hlaupin er skemmtileg 10 km leið um Grafarvog en einnig er hægt að velja 5 km og 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaup Suzuki fer fram fimmtudagskvöldið 21.júní 2018 á Sumarsólstöðum. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaup Eimskips

    Að kvöldi 4.júlí fer Ármannshlaup Eimskips 2018 fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

Ármannshlaupið næst á dagskrá

Mæst á dagskrá Powerade Sumarhlaupanna er Ármannshlaup Eimskips. Hlaupið er 10 km og fer fram á miðvikudagskvöldið 4.júlí. Ræst er kl.20:00 við Vöruhótel Eimskips í Sundahöfn.

Ármannshlaupið hefur í gegnum árin verið þekkt fyrir flata og hraða braut þar sem margir hlauparar hafa náð sínum besta tíma. Mælum sérstaklega með hlaupinu fyrir þau sem eru að undirbúa sig fyrir Reykjavíkurmaraþon Íslandsbanka í ágúst.

Þátttökugjaldið er lægra ef skráð er fyrir miðnætti þriðjudagskvöldið 3.júlí eða 2.500 krónur. Skráning á hlaupdag kostar 3.000 krónur. Smelltu hér til að skrá þig.

Skráningu á hlaupdegi lýkur kl.19:45 á staðnum en 19:30 á vefnum. Hægt er að sækja númer og flögur á hlaupdegi frá kl.17:00 í afgreiðslu Vöruhótels Eimskips.

Allar upplýsingar um Ármannshlaup Eimskips má finna hér.

armannshlaupid

Elín Edda og Arnar efst í stigakeppninni

Þriðja hlaupið af fimm í Powerade Sumarhlaupunum 2018, Miðnæturhlaup Suzuki, fór fram fimmtudagskvöldið 21.júní. Hlauparar létu ekki rigningu og rok stoppa sig í að mæta í Laugardalinn en als skráðu sig 2.857 til þátttöku sem er nýtt met. Um 1.200 erlendir hlauparar voru á meðal þátttakenda frá 46 löndum. Þó Miðnætursólin hafi ekki látið sjá sig að þessu sinni var hlaupið vel heppnað og fóru margir að því loknu í Laugardalslaugina til að láta þreytuna líða úr sér.

Keppt var í þremur vegalengdum en 10 km vegalengdin gilti til stiga í stigakeppni sumarhlaupanna og voru verðlaunahafar þar eftirfarandi:

10 km hlaup kvenna
1. Elín Edda Sigurðardóttir, ISL, 36:19
2. Fionna Fallon, USA, 38:28
3. Agnes Kristjánsdóttir, ISL 40:13

Elín Edda Sigurðardóttir setti nýtt og glæsilegt brautarmet í 10 km hlaupi kvenna í kvöld en gamla metið, 37:40, setti Arndís Ýr Hafþórsdóttir 2016 og jafnaði Elín Edda Sigurðardóttir það í fyrra.

IMG 20180621 232938 063

10 km hlaup karla
1. Rimvydas Alminas, LTU, 33:07
2. Jacob Halloran, CAN, 35:56
3. Alan Hume, GBR, 37:22

Tími Rimvydas Alminas er þriðji besti tíminn í 10 km hlaupi karla sem náðst hefur á þessari braut.

IMG 20180621 233214 885

Smellið hér til að skoða úrslit í öllum vegalengdum Miðnæturhlaups Suzuki 2018 og hér til að skoða myndir.

Elín Edda Sigurðardóttir hefur nú tekið forystuna í kvennaflokki í stigakeppni Powerade Sumarhlaupanna af Andreu Kolbeinsdóttur sem að þessu sinni keppti í hálfmaraþoni sem ekki gildir til stiga. Arnar Pétursson heldur forystunni í stigakeppni karla þrátt fyrir að hafa tekið þátt í hálfmaraþoninu eins og Andrea þar sem efstu þrír í 10 km hlaupinu koma nýir inn á listann. Smellið hér til að skoða nánari upplýsingar um stigakeppni Powerade Sumarhlaupanna 2018.