• Víðavangshlaup ÍR

    Á sumardaginn fyrsta, 25.apríl, verður Víðavangshlaup ÍR þreytt í 98.sinn. Hlaupinn er 5 km hringur frá Ráðhúsi Reykjavíkur á götum, stígum og gangstéttum umhverfis Tjörnina. Smelltu hér til að skoða nánari upplýsingar.

  • Fjölnishlaupið

    Þann 23.maí fer Fjölnishlaupið fram í 25.sinn í Grafarvoginum. Hlaupin er skemmtileg 10 km leið um Grafarvog en einnig er hægt að velja 1,4 km skemmtiskokk. Smelltu hér til að skoða nánari upplýsingar.

  • Miðnæturhlaup Suzuki

    Miðnæturhlaupið fer fram að kvöldi Jónsmessu þann 24.júní. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Smelltu hér til að skoða nánari upplýsingar. 

  • Ármannshlaupið

    Að kvöldi 10.júlí fer Ármannshlaupið fram. Hlaupið er frá Sundagörðum að Hörpu og til baka á flatri og hraðri braut sem hentar vel til bætinga. Smelltu hér til að skoða nánari upplýsingar. 

  • Reykjavíkurmaraþon Íslandsbanka

    Reykjavíkurmaraþon Íslandsbanka fer fram laugardaginn 24.ágúst. Meira en 10 þúsund manns taka þátt í hlaupinu ár hvert þar sem hægt er að velja sex mismunandi vegalengdir. Smelltu hér til að skoða nánari upplýsingar.

Fjölnishlaupið næst á dagskrá

Næsta hlaup Powerade Sumarhlaupanna 2013 er Fjölnishlaupið sem haldið verður í 25.sinn í Grafarvogi fimmtudaginn 23.maí. 

Hlaupið verður ræst frá Fjölnisvellinum við Íþróttamiðstöðina í Dalhúsum (Grafarvogslaug) kl. 20. Í Fjölnishlaupinu er boðið upp á 10 km hlaup sem gildir til stiga á mótaröðinni Powerade Sumarhlaupin og 1,4 km skemmtiskokk. Tímataka verður í báðum vegalengdum. Smelltu hér til að fá nánari upplýsingar.

Forskráning í hlaupið er hafin á hlaup.is og verður hún opin til miðnættis miðvikudaginn 22.maí. Einnig verður hægt að skrá sig á staðnum á hlaupdag en þá er þátttökugjald hærra. Smelltu hér til að skrá þig.

Kári Steinn og Aníta sigruðu í Víðavangshlaupi ÍR

Víðavangshlaup ÍR fór fram í 98.sinn í gær, Sumardaginn fyrsta. Hlaupið er fyrsta hlaup af fimm á hlaupamótaröðinni Powerade Sumarhlaupin 2013. 333 hlauparar á öllum aldri luku hlaupinu, sá elsti 86 ára. Aðstæður voru nokkuð erfiðar, bæði kalt og mjög hvasst auk þess sem nokkur snjókorn létu sjá sig. Þau Kári Steinn Karlsson, Breiðabliki, og Aníta Hinriksdóttir, ÍR, sigruðu og urðu jafnframt Íslandsmeistarar í 5 km götuhlaupi.

Kári Steinn kom í mark á sléttum 15 mínútum en annar varð Hlynur Andrésson, ÍR, á 15:38 mínútum. Ingvar Hjartarson, Fjölni, varð þriðji aðeins 1 sekúndi á eftir Hlyni eða 15:39 mínútum. Aníta Hinriksdóttir varð langfyrst kvenna í mark en hún hljóp á 17:19 mínútum. Íris Anna Skúladóttir, Fjölni, var önnur á 19:17 mínútum. Í þriðja sæti var Helga Guðný Elíasdóttir á 19:49 mínútum.

Smellið hér til að skoða nánari úrslit Víðavangshlaups ÍR 2013.