Heim flag

  • 23.júní 2015 

    Miðnæturhlaup verður haldið í tuttugasta og þriðja sinn þann 23. júní 2015. Skráning í hlaupið hefst í janúar 2015 hér á marathon.is. Við hvetjum þig til að taka kvöldið frá.
  • Vefverslun

    Í vefverslun Reykjavíkurmaraþons má finna jakka, boli o.fl. merkt Miðnæturhlaupinu. Allar vörur eru sendar með Íslandspósti og greiðsla fer fram á öruggri greiðslusíðu Valitors. Kíktu endilega við og sjáðu hvort þú finnir eitthvað við þitt hæfi eða jafnvel gjöf fyrir góðan vin. Slóðin er www.marathon.is/shop.
  • Sumarkvöld í Reykjavík

    Miðnæturhlaup fer fram að kvöldi Jónsmessu. Hlaupið hefst og endar í Laugardalnum og að loknu hlaupi er öllum þátttakendum boðið í Laugardalslaugina. Þátttaka í Miðnæturhlaupi Suzuki er því uppskrift af frábæru sumarkvöldi í Reykjavík. Smelltu hér til að skoða dagskrá.
  • Þrjár vegalengdir

    Í Miðnæturhlaupi Suzuki eru þrjár vegalengdir í boði; hálfmaraþon, 10 km hlaup og 5 km hlaup. Hlaupið hefst á Engjavegi nálægt Skautahöllinni í Laugardal og endar í trjágöngunum við þvottalaugarnar í Laugardal. Að mestu er hlaupið á stígum. Allar hlaupaleiðir eru mældar samkvæmt reglum AIMS.

Skráning er hafin

Skráning í Miðnæturhlaup Suzuki 2015 sem fram fer að kvöldi þriðjudagsins 23.júní er hafin hér á marathon.is. Smelltu hér eða á "skráðu þig í næsta hlaup" hnappinn hér til hliðar til að skrá þig til þátttöku.

Mælt er með því að hlauparar skrái sig fyrir 1.mars til að tryggja sér lægsta mögulega þátttökugjaldið en forskráning er opin til miðnættis þann 22.júní. Einnig er hægt að skrá sig til þátttöku á hlaupdag en þá er þátttökugjaldið hærra. Smelltu hér til að skoða verðskrá.

Eins og undanfarin ár geta hlauparar í Miðnæturhlaupi Suzuki valið hvort þeir vilja fá afhendan verðlaunapening þegar þeir koma í mark eða ekki. Þau sem ekki vilja verðlaunapening borga 500 krónum lægra gjald.

DSC05817 minni

Gjafabréf - góð jólagjöf

pakki-mhNú líður að jólum og margir væntanlega farnir að huga að jólagjöfunum. Gjafabréf Reykjavíkurmaraþons er góður kostur fyrir þau sem vilja gefa ávísun á skemmtilega upplifun og hvatningu til aukinnar hreyfingar.

Gjafabréf Reykjavíkurmaraþons gilda í fjögur ár sem greiðsla í Miðnæturhlaup Suzuki, Laugavegshlaup og/eða Reykjavíkurmaraþon Íslandsbanka. Hægt er að velja upphæð á bilinu 1.000-25.000 kr og fær kaupandi gjafabréfið sent með tölvupósti innan fárra mínútna eftir að greiðsla berst.

Smelltu hér til að fá nánari upplýsingar og kaupa gjafabréf Reykjavíkurmaraþons.

Um Reykjavíkurmaraþon

Reykjavíkurmaraþon var stofnað árið 1984.  Frá 2003 hefur Reykjavíkurmaraþon verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík.  Á vegum Reykjavíkurmaraþons eru árlega haldin þrjú hlaup: Reykjavíkurmaraþon Íslandsbanka, Laugavegurinn - Ultra Maraþon og Miðnæturhlaup Suzuki. Reykjavíkurmaraþon fagnaði 30 ára afmæli árið 2013.

ÞJÓNUSTA Á HLAUPADAG

- Tímataka

- Verðlaun

- Drykkjarstöðvar

- Miðnætursund

 

úRSLIT

- Úrslit 2013

Úrslit 2012

- Eldri úrslit