Heim flag

Myndatökur á marksvæði

Myndataka hvers konar í atvinnuskyni á afgirtu marksvæði Reykjavíkurmaraþons Íslandsbanka í og við Lækjargötu er háð leyfi.

Reykjavíkurmaraþon hefur leyfi frá Reykjavíkurborg til að girða af svæði í og við Lækjargötu þar sem hlauparar í Reykjavíkurmaraþoni Íslandsbanka koma í mark. Aðeins hlauparar og starfsmenn hlaupsins hafa leyfi til að vera inná afgirtu marksvæði. Reykjavíkurmaraþon getur gefið fulltrúum fjölmiðla og ljósmyndurum leyfi til að fara inná marksvæði hlaupsins samþykki þeir eftirfarandi reglur:

  1. Myndir sem teknar eru á lokuðu marksvæði í og við Lækjargötu má birta í fréttum í tengslum við viðburðinn Reykjavíkurmaraþon.
  2. Óheimilt er að selja myndir teknar á lokuðu marksvæði nema með leyfi Reykjavíkurmaraþons. Svæðið er afmarkað með girðingum og er í Lækjargötu frá Skólabrú að Tjörninni og í Vonarstræti frá Lækjargötu að Templarasundi.
  3. Leyfishafi skal hafa á sér þar til gerðan passa sem gefinn er út af Reykjavíkurmaraþoni.

Leyfi til myndatöku þarf að sækja um fyrirfram til Reykjavíkurmaraþons svo og vegna allrar annarar athafnasemi á marksvæðinu. Fyrirspurnir og erindi varðandi leyfi til myndatöku berist til Önnu Lilju, upplýsingafulltrúa Reykjavíkurmaraþons, á netfangið This email address is being protected from spambots. You need JavaScript enabled to view it. .

laekjargata custom

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.