Heim flag

Dagskrá Laugavegshlaupsins 2018

Þátttakendur sækja hlaupagögnin og skila af sér auka farangri fyrir Bláfjallahvísl dagana 12. og 13. júlí. Nánari upplýsingar má finna hér.

Lagt er af stað úr Laugardalnum í Reykjavík kl. 4:30 að morgni hlaupadags og ekið í Landmannalaugar með stuttu stoppi á leiðinni í Þjónustumiðstöðinni Hrauneyjum. Ferðin tekur um þrjár og hálfa klukkustund.

Hlaupið hefst við skála Ferðafélags Íslands í Landmannalaugum, laugardaginn 14. júlí 2018 kl. 09:00 og lýkur í Húsadal í Þórsmörk.

Af öryggisástæðum þurfa allir þátttakendur að láta starfsmenn rífa flipa af rásnúmerinu sínu við inngöngu í hvert ráshólf í Landmannalaugum og í rennu í Álftavatni og Emstrum. Hlaupið er ræst í þremur hópum með nokkurra mínútna millibili. Litur á þátttökunúmerum segir til um hvaða hópi hver tilheyrir. Þetta er gert vegna þrengsla í upphafi hlaups og til að varna því að tíminn líði án þess að hlauparar komist af stað. Sjá nánar í reglum hlaupsins.
 

Áætluð dagskrá hlaupdags laugardaginn 14. júlí 2018
Birt með fyrirvara um breytingar sem kunna að vera gerðar þegar nær dregur hlaupi

04:300

Rútur leggja af stað úr Laugardal. Þátttakendum er skipt í rútur eftir hópum og fer rúta með gula hópinn fyrst af stað, þá rauða, síðan græna og loks bláa.
06:45 Morgunverðarstopp í Hrauneyjum í 30 mínútur.
08:30 Áætluð koma í Landmannalaugar.


Landmannalaugar skrásetning:
 Allir hlauparar þurfa að vera með þátttökunúmer að framan í mittishæð eða ofar. Við inngöngu í hvert ráshólf verður flipi af þátttökunúmeri rifinn af.

08:45 Uppröðun í gulan ráshóp
08:50 Uppröðun í rauðan ráshóp
08:55 Uppröðun í grænan ráshóp
09:00 Uppröðun í bláan ráshóp
09:00 Gulur hópur ræstur af stað
09:05 Rauður hópur ræstur af stað
09:10 Grænn hópur ræstur af stað
09:15 Blár hópur ræstur af stað


Álftavatn og Emstrur skrásetning:
 Allir hlauparar þurfa að fara í gegnum rennu/hlið þar sem flipi af númerinu verður rifinn af.

Tímatakmörk eru 4 klst við Álftavatn og 6 klst og 15 mín við Emstruskála. Þeir þátttakendur sem ekki ná í Álftavatn innan 4 klst. og í Emstrur innan 6 klst og 15 mín. verða stöðvaðir og þeim ekið til Reykjavíkur. Sjá nánar hér.


Húsadalur:

13:00  Fyrsti karlhlaupari væntanlegur
14:00  Fyrsti kvenhlaupari væntanlegur
14:00  Heitur matur tilbúinn fyrir þau sem hafa keypt miða
17:30  Verðlaunaafhending
18:00  Áætlað að fyrsta rúta leggi af stað til Reykjavíkur
20:00  Áætlað að síðasta rúta leggi af stað til Reykjavíkur

Þeir hlauparar og aðstandendur hlaupara sem keypt hafa sér far með rútu á vegum hlaupsins til Reykjavíkur þurfa að fara í röð við rúturnar og fer sú fyrsta af stað þegar hún er orðin full um kl.18 og sú síðasta kl.20. Sjá nánar um rútuferðir hér.

Andri-lv-1052 copy

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.