Heim flag

Hæðarkort

RM-thversnid

Eins og sjá má á hæðarkortinu hér að ofan er brautin í Reykjavíkurmaraþoni mjög flöt. Í maraþoni og hálfu maraþoni er hlaupinn einn hringur (fyrir utan síðasta hluta maraþonsins þar sem að hluta til er hlaupin sama leið og í byrjun hlaups). Leiðin er um 60% flöt og 40% aflíðandi. Breytingar á hæð yfir sjávarmáli eru aðeins um 30 metrar. Á fyrstu 6 km eru þrjár smávægilegar brekkur með fárra metra hækkun og einnig í kringum 12 km. Eftir 15 km er brekka með um 10 metra hækkun, líklega brattasti hluti leiðarinnar. Frá 18 km til 20 km er hæg hækkun um 25 m (hæsti punktur leiðarinnar). Eftir það eru mjög litlar hækkanir með undantekningu í kringum 26 og 28 km þar sem hækkun er um 6-7 metrar.

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.