Heim flag

Hæðarkort

Samkvæmt nákvæmum landfræðilegum mælingum eru hæðarbreytingar á Laugaveginum töluverðar. Hlaupið hefst í Landmannalaugum sem eru um 600 metrar yfir sjávarmál. Hæsti punktur leiðarinnar, Hrafntinnusker, er í tæplega 1100 metra hæð. Endamarkið í Þórsmörk er síðan töluvert lægra eða í um 200 metra hæð yfir sjávarmáli. Meðfylgjandi mynd sýnir yfirlit yfir hæðarbreytingar ásamt stuttum upplýsingum um þjónustuna á leiðinni.

Þrátt fyrir að hækkun um 500 metra og lækkun um 900 metra hljómi ekki sem sérstaklega mikill bratti er um miklar hæðarbreytingar að ræða. Á leiðinni er farið mikið upp og niður og hafa margir farið flatt á því að fara of hratt í mestu hækkunina upp í Hrafntinnusker. Samkvæmt reyndum Laugavegshlaupurum sem hafa notað Garmin GPS tæki til mælinga er heildarhækkun u.þ.b. 1900 metrar og heildarlækkun um 2200 metrar.

Um Íþróttabandalag Reykjavíkur

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.