Þegar þú skráir þig í Reykjavíkurmaraþon Íslandsbanka á marathon.is býðst þér í skrefi 4 af 8 að skrá þig sem góðgerðahlaupara fyrir ákveðið góðgerðafélag. Haka þarf í reitinn „Já, ég vil hlaupa til góðs” og velja síðan góðgerðafélag í fellilistanum.

Þegar skráningu er lokið ferð þú inná hlaupastyrkur.is og velur "nýskráning" efst í hægra horni síðunnar. Þar gerir þú áheitasöfnun þína virka og sjálfan þig sýnilegan á vefnum svo að fólk geti heitið á þig. Þér er frjálst að setja inn myndir af þér og upplýsingar um hversvegna þú hleypur fyrir tiltekið góðgerðafélag.

Til að láta vini og vandamenn vita af því að þú ætlir að hlaupa fyrir gott málefni í Reykjavíkurmaraþoni Íslandsbanka 2010 getur þú sent þeim slóð á áheitasöfnun þína. Á síðunni sem verður til þegar þú nýskráir þig á hlaupstyrkur.is er hægt að senda á vini og vandamenn skilaboð á facebook og twitter eða með tölvupósti um áheitasöfnunina.

Ef þú valdir ekki góðgerðafélag við skráningu í hlaupið á marathon.is getur þú valið þér félag með því að velja "nýskráning" á hlaupastyrkur.is. Þar er einnig hægt að skipta um góðgerðafélag en þó ekki eftir að búið er að heita á þig einhverri fjárhæð.

Sendu okkur póst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ef þú þarft aðstoð eða nánari upplýsingar.