Líkt og undanfarin ár gefst þátttakendum í Reykjavíkurmaraþoni Íslandsbanka kostur á að hlaupa í þágu góðs málefnis. Smellið hér til að fá leiðbeiningar um hvernig hægt er að skrá sig sem góðgerðahlaupara.

Í Reykjavíkurmaraþoninu 2008 var hægt að velja um 111 góðgerðarfélög til að hlaupa fyrir og niðurstaðan var að söfnuðust um 20 milljónir sem runnu til 100 góðgerðafélaga. Sú upphæð samanstóð af áheitasöfnun frá 3.646 hlaupurum. Árið 2009 tóku 67 góðgerðafélög þátt í söfnuninni en til þeirr safnaðist frá þúsund krónu og upp í 1,1 milljón. Alls fengu 27 félög meira en 100.000 krónur í sinn hlut en heildarfjöldi áheita var 4.016. 

Það geta allir heitið á þá hlaupara sem valið hafa að hlaupa til góðs í Reykjavíkurmaraþoni Íslandsbanka. Hægt verður að skrá áheit á auðveldan hátt með því að smella hér. Nánari upplýsingar um skráningu áheita má einnig finna hér.