Allir þátttakendur í Reykjavíkurmaraþoni Íslandsbanka fá verðlaunapening þegar þeir koma í mark. Fyrstu þrír karlar og konur í 10 km hlaupi, hálfmaraþoni og maraþoni fá einnig verðlaunagripi fyrir sinn árangur. Þá fá fyrstu þrjú lið í mark í 42,2 km boðhlaupinu einnig verðlaunagripi. Þessi verðlaun eru veitt í Lækjargötu á hlaupdegi.

Verðlaunafé
Líkt og undanfarin ár eru veitt peningaverðlaun til fyrstu þriggja hlauparanna í heilu og hálfu maraþoni. Fyrstu þrír Íslendingarnir í þessum vegalengdum fá einnig peningaverðlaun.

Verðlaunafé er veitt fyrir fyrstu þrjá í kvenna- og karlaflokki. Allar upphæðir eru í íslenskum krónum. Verðlaunafé er samtals 1.050.000 kr.

Íslandsmeistaramót í maraþoni
Reykjavíkurmaraþon Íslandsbanka 2010 er jafnframt Íslandsmeistaramót í maraþoni. Íslandsmeistarar karla og kvenna fá verðlaun sín frá Frjálsíþróttasambandi Íslands afhend í Lækjargötunni. Frjálsíþróttasambandið veitir einnig íslenskum hlaupurum númer tvö og þrjú í hlaupinu verðlaun.

Gjafabréf í leiguflug með VITA
Ferðaskrifstofan VITA gefur sigurvegurum í 10 km, hálfmaraþoni og maraþoni (karlar og konur) gjafabréf uppí ferð í leiguflugi með VITA. Sigurlið í boðhlaupi fær fjögur gjafabréf frá VITA. Auk þess verður dregið út eitt gjafabréf til hlaupara í eftirfarandi vegalengdum; skemmtiskokki, 10 km hlaupi, hálfmaraþoni og maraþoni. Dregið verður úr nöfnum allra skráðra þátttakenda í þessum vegalengdum og vinningshafar kallaðir uppá svið í Lækjargötunni.

Brautarmet
Sé brautarmet slegið í maraþoni eða hálfmaraþoni er greiddur bónus, 50.000 kr. í hálfmaraþoni og 100.000 kr. í maraþoni. Þessi verðlaun verða veitt í Lækjargötu á hlaupdegi. Brautarmet í maraþoni karla á Ceslovas Kundrotas (LTU) 2:17:06 og maraþoni kvenna Angaharad Mair (GBR) 2:38:47. Benjamin Serem (KEN) á brautarmetið í hálfmaraþoni karla 1:04:09 en Martha Ernstdóttir (ISL) á brautarmet kvenna 1:11:40.

Powerade mótaröðin
10 km hlaupið í Reykjavíkurmaraþoni Íslandsbanka er hluti af Powerade mótaröðinni. Mótaröðin samanstendur af fimm hlaupum sem haldin hafa verið í Reykjavík í sumar. Reykjavíkurmaraþonið er síðasta hlaupið á mótaröðinni og þrír stigahæstu hlaupararnir fá afhend verðlaun í Lækjargötunni 21.ágúst.

Útdráttarverðlaun
Allir þátttakendur eiga möguleika á að vinna útdráttarverðlaun í boði Asics. Útdráttarverðlaun eru afhent keppendum þegar þeir koma í mark. Auk þess verða dregnir út gjafabréf í flug frá ferðaskrifstofunni VITA eins og fram kemur hér að ofan.

Sveitakeppni
Verðlaun eru veitt fyrstu þremur sveitunum í vegalengdum 10 km, 21,1 km og 42,2 km. Þau sem eiga þrjá bestu tímana í sveitinni vinna til verðlauna. Sjá nánar um sveitakeppni hér. Verðlaun í sveitakeppni verða afhent á skrifstofu Reykjavíkurmaraþons, Engjavegi 6 (við hliðina á Laugardalshöll), frá og með mánudegi 24.ágúst.

Aldursflokkar
Aldursflokkaverðlaun verða afhent á skrifstofu Reykjavíkurmaraþons, Engjavegi 6 (við hliðina á Laugardalshöll), frá og með mánudegi 24.ágúst. Þetta er gert til að tryggja að úrslit liggi örugglega rétt fyrir áður en verðlaunin eru afhent.


Veitt eru aldursflokkaverðlaun fyrir fyrsta til þriðja sæti í eftirfarandi flokkum karla og kvenna.

Í 10 km eru flokkarnir
12-15 ára
16-18 ára
19-39 ára
40-49 ára
50-59 ára
60-69 ára
70 ára og eldri

Í 21,1 km eru flokkarnir
15-19 ára
20-39 ára
40-49 ára
50-59 ára
60-69 ára
70 ára og eldri

Í heilu maraþoni eru flokkarnir
18-39 ára
40-49 ára
50-59 ára
60-69 ára
70 ára og eldri