Lagt er af stað frá Reykjavík frá Skautahöllinni í  Laugardal kl. 4:30 að morgni hlaupadags og ekið í Landmannalaugar með stuttu stoppi á leiðinni í Þjónustumiðstöðinni Hrauneyjum. Ferðin tekur um þrjár og hálfa klukkustund.

Hlaupið hefst við skála Ferðafélags Íslands í Landmannalaugum, laugardaginn 14.júlí 2012 kl. 09:00 og lýkur í Húsadal í Þórsmörk.

Af öryggisástæðum þurfa allir þátttakendur að skrá sig hjá hlaupstjóra við upphaf hlaupsins í Landmannalaugum og við skála FÍ í Álftavatni. Hlaupið er svo ræst í nokkrum hópum með nokkurra mínútna millibili. Litur á þátttökunúmerum segir til um hvaða hópi hver tilheyrir. Þetta er gert vegna þrengsla í upphafi hlaups og til að varna því að tíminn líði án þess að hlauparar komist af stað. Sjá nánar í reglum hlaupsins.
 

Áætluð dagskrá hlaupdags laugardaginn 14.júlí 2012

Landmannalaugar skrásetning: Allir hlauparar þurfa að skrá sig

Álftavatn skrásetning: Allir hlauparar skrá sig að nýju við Álftavatn.

Tímatakmörk við 4 klst við Álftavatn.

Tímatakmörk við 6 klst í Emstruskála.

Húsadalur:

Þau sem fara með rútu til Reykjavík þurfa að ná í miða í „upplýsingum“ í aðalhúsi.